Beidh an Tánaiste agus Aire Cosanta, an tUasal Simon Harris T.D. agus Ceann Foirne Óglaigh na hÉireann, an Leifteanant Ginearálta Seán Clancy, i láthair ag Searmanas Coimisiúnaithe an 100ú Rang Daltaí & an 12ú Rang Ábhair Oifigeach in Ionad Traenála Óglaigh na hÉireann (ITÓÉ), An Currach, Co. Chill Dara, Dé hAoine, an 28 Márta 2025, ag 2.30pm.
Beidh an searmanas é féin ar siúl ar Chearnóg an Phiarsaigh i gColáiste Míleata an ITÓÉ. Cuirfear comharthaí in airde feadh an bhóthair isteach chuig an ITÓÉ le go mbeidh na daoine a bhfuil cuireadh faighte acu in ann a mbealach a dhéanamh chuig Cearnóg an Phiarsaigh.
Is lá fíorthábhachtach agus iontach mórtasach é seo do bhaill an ranga agus léiríonn sé gur éirigh leo diantraenáil mhíleata a chur i gcrích.
Chuir an 100ú Rang Daltaí tús lena dtraenáil ar an 4 Deireadh Fómhair 2023 sa Choláiste Míleata in Ionad Traenála Óglaigh na hÉireann. Is iomaí dúshlán míleata, oirbheartaíochta, fisiceach agus acadúil atá curtha díobh acu le 17 mí anuas agus is gearr go mbeidh a n-aistear mar dhaltaí curtha i gcrích acu.
Chuir an 12ú Rang Ábhair Oifigeach tús lena dtraenáil ar an 29 Aibreán 2024 sa Choláiste Míleata in Ionad Traenála Óglaigh na hÉireann. Chuir na hOifigigh Neamhchoimisiúnaithe leis an taithí a bhí acu cheana le hoiliúint acadúil, teaicticiúil agus míleata chun ról Ábhair Oifigeach a bhaint amach le 11 mhí anuas.
Tugtar cuireadh do na meáin a bheith i láthair agus iarrtar orthu a bheith ann ag 1:00pm. Beidh deiseanna iontacha ann chun grianghraif a thógáil agus chun agallaimh a dhéanamh le daoine a bheidh páirteach sna himeachtaí éagsúla.
Dáta/Am: 28 Márta 2025, 1.30pm. (Na Meáin le bheith i láthair ag 1.00pm)
Áit: Cearnóg an Phiarsaigh, An Coláiste Míleata, ITÓÉ
Duine Teagmhála: An Captaen John Kenny; 087 673 8395
Dá mba mhaith leat a bheith i láthair, deimhnigh le do thoil ainm an iriseora a bheidh i láthair roimh dheireadh an lae gnó, amárach, Déardaoin an 27 Márta, trí ríomhphost a sheoladh chuig press@military.ie
