Árthach Iascaigh Coinnithe ag an LÉ SAMUEL BECKETT 200 míle ó Dheas de Charraig Aonair
Tá árthach iascaigh atá cláraithe sa Phortaingéil faoi choinneáil ag árthach de chuid na Seirbhíse Cabhlaigh, an LÉ SAMUEL BECKETT, thart ar 200 muirmhíle ó dheas de Charraig Aonair. Baineann an choinneáil le sárú a líomhnaítear a rinneadh ar rialacháin iascaireachta.
Tá an t-árthach á tionlacan ag an LÉ SAMUEL BECKETT go Baile Chaisleáin Bhéarra, áit a dtabharfar ar láimh í don Gharda Síochána.
Is í seo an t-ochtú hárthach atá coinnithe ag an tSeirbhís Chabhlaigh go dtí seo in 2019, agus is í an dara árthach faoi choinneáil an tseachtain seo. Tugann Óglaigh na hÉireann cigireachtaí iascaigh i gcrích ar muir i gcomhréir le comhaontú leibhéal seirbhíse leis an Údarás um Chosaint Iascaigh Mhara, mar chuid de na seirbhísí rialtais a chuirtear ar fáil don stát.
Dáta an Phreasráitis: 22ú Lúnasa 2019
Chun tuilleadh eolais a fháil téigh i dteagmháil le:
Preasoifigeach: An Ceannfort James O’Hara
Teil: 045 49 2502 , 045 49 2503
Fón Póca : 087 2482130
Ríomhphost: Preasoifigeach
